قشقایی لار تاریخ یولجولوقلاریندا
ابوبکرقاری:
💟💟💟💟💟💟💟💟💟💟
💠قاشقایی لار
قاشقایی کلمه سی نین ائتیمولوژیسی حاققیندا دوشونجه لر :
✅ اسکیدن بری ، قاشقایی کلمه سی نین هاردان گلدیگی حاققیندا ، چئچیتلی گؤروشلر ایله ری ، سورولموشدور
بیری لری ، بو کلمه نین قاشقا (اسب پیشانی سفید) کلمه سیندن، تؤره دیگینی ایله ری سورورکن، باشقالاری دا کلمه نین " قاچماق" فعلیندن گلدیگینی ایثباتلامایا چالیشمیلار
غالیب گؤروش ایسه:
قاش + قایی
قاش = اون و قاباق
قایی ایسه= ۲۴ اوغوز بویونون بیری
انلام اعتیبار ایله، دئمک اولو کی :
قایی بویونون قاباغیندا ساواشان توپلولوق
✅ بیلدیگینیز اوزه ره، قایی بویو ، کوچوک سلچوقلو زامانیندا، آنادولودا، ارطغرول و اونون اوغلو عثمان غازی اؤندرلیگینده عثمانلی امپراطورلوغونو قوردولار
بو غالیب گؤروشه گؤره، قاشقایی لارین ایلک چکیردگینی اولوشدوران " قایی لار" دور
سونرا زامان آشیمی ایله باشقا بویلار بو کوچوک توپلولوغا قاتیلاراق، قاشقایی عشیره تینی میدانا گتیرمیشلردیر
🏛قاشقایی لار تاریخده
قاشقایی لار (قایی لارین بیر بؤلومو) گؤی تورکلر زامانیندا اؤتوکنده ( ötüken) بولونوپ، بومین خاقان، استمی و ایلتریش خاقان و سونرا، بیلگه خاقان و کؤلتیکینین یانی سیرا، چینه قارشی ساواشلارا ایشتراک ائدمیشلر
۷۴۴ده ( ۷۴۵) گوی تورک امپراطورلوغو ، اویغورلار طرفیندن چؤکدوگو زامان، قاشقایی لارین بیر بویو اولان "ایگدیر" لر، گوی تورکلرین سون پادشاهی اولان " اؤزمیش خاقان " Özmiş Kagan 742-744
یاردیمینا قاچاراق، اونا یاردیم ائدمک ایسته سلر ده ، بو چابالاری نتیجه یه وارمامیش
بو بیلگی لر " ترخین یازیتیندا " عکس اولونموشدور
Birinci Uygur Kağanlığı
Tərxin Yazıtı
⛩بیرینجی اویغور امپراطورلوغو زامانیندا ایسه اوغوزلار لا بیرلیکده ، ولگا ( Volga) ایرماغی نین قئیی لارینا گؤچموش و ایدیل بولغارلاریلا ( idil Bulgarları) سینیرداش اولموشلار
بو بیلگی لری " ابن فضلان سیاحت نامه سیندن " الده ائتمک اولار
آنجاق :
ابن فضلان ، اوغوزلار کونوسوندا بیلگی وئریرکن ، اوغوزلارین بوی لاری حاققیندا معلومات وئرمکدن قاچینمیشدیر
غالیب گؤروشه گؤره، سونرا دا قاشقایی لار " چنگیز خان " اوردوسونا قوشولاراق اونونلا بیرلیکده ساواشلارا گیرمیشلر
🏯
قاشقایی دیلینده بولونان اونلارجا مغولجا سوزجوک بو دؤنمین قانیتی
⛺️گرمن ( Gərmən) = تکه ای از چادر بافته شده ک در فصل سرما دور چادر کشیده میشود
Gər= چادر
به مغولی
که همین کلمه از ترکی وارد مغولی شده
کلانتر
ترخان
و بونون کیمی سؤزجوکلر حالا قاشقایی دیلینده ایشلنمکده دیر
💟💟💟💟💟💟💟💟💟💟
قاشقایی لار بو تاریخ یولجولوقلاری سیراسینجا، "آنادولو" یا گؤچوپ، اورادا بیر تورلو یاشامایا دوام ائدمیشلر
ایرانا گلدیگلری زامان ایسه، "مغان" بوزقیرلارینا یئرله شیب "قونار- گؤچه ر" حیاتلارینی سوردورموشلر
قاشقایی دیلینده کوللانیلان بیر سورو " دئیم " " آتالار سوزو" بو دئورین یادیگاری
🔰اورنگ اولاراق :
بو یول گئده ر تبریزه
قاناتی ریزه ریزه
تاریم بیر یول وئر بیزه
بیز گئده گ اؤلکه میزه
بو بایاتیدا قاشقایی لار، آچیق- سئچیک ، تانری دان ، تبریزه تکرار دؤنمه لری ایچین ، بیر یول اونلارا گؤرسه دیلمه سی ریجاسیندا بولونموشلار
⚜مغاندان سونرا ، سون یئرلشکه لری اولان " فارس ایالینده " سورولموشسه لر ده
حکومت لرین ، سیاسی حیاتلارینا قاریشیپ ، اونلارا یؤن وئرمه یه چالیشمیشلار
بیر دؤنم ده، " نادرشاه " طرفیندن خراسانا سورولموشلر آنجاق ، نادرشاه قتلیندن سونرا، تکرار فارسا دونموشلر
♦️قاجار زامانیندا دا ، قاشقایی لار تهراندا ، سورکلی آتلی و توفنگچی بولوندورموشلاردیر
" رضا پالانی " دؤنمیده "اسماعیل خان قشقایی" ( صولت الدوله ) اوغلو ناصر خان، میللت وکیلی سئچیلپ تهرانا یئرلشدیلر
صولت الدوله ( اسماعیل خان ) میللت وکیلی اولدوغونا رغماً توتوقلانیپ حبس ائدیلدی و سونرا دا ، رضا پالانی فرمانی ایله اؤلدورولدو
بو زاماندان سونرا ، قاشقایی تورکلرینه " تخته قاپو" پولوتیکاسی اویغولاندی
قاشقایی لارین بویوک بیر بؤلومو اجباری اولاراق شهیرلره یئرلشدیریلدیلر
مال و حایوانلاری آجلیقدان تلف اولدو
۱۳۲۰ده " رضا پالانی" قاچدیغی زامان ، ناصر خان و خسروخان گیزلی گیزلی تهراندان قاچیپ شیرازا گلدیلر
❇️ اوتوریته نین ضعیف اولدوغو او دئویرده ، قاشقایی ائلی نین تکرار توپلانماسی ایچین چاپا گؤسته ریپ ، اسکی احتشامینی گئری قایتاردیلار
📻 ۱۳۳۲ ده مصدق باش ناظیر اولدوغو سیرالاردا ، قاشقایی ائلخانی سی ( ناصرخان) اوندان حمایت ائدیپ ، ۲۸ مرداد کودتاسیندان سونرا ، شاه ناصر خانی و قارداشلارینی سورگونه گؤندردی
گلن یازی دا ، قاشقایی نین گلنک و گوره نک لرینی یازمایا چالیشاجاغیق
ادامه دارد
💟💟💟💟💟💟💟
..............................